Sunday, May 7, 2017

කවි සිතුවිල්ල....

Minnie Ashley (1897)
එකම එක කවක් වත්     නුඹ නොලීබව මා නමින් 
නො' අදහමී
නුඹ නොකීවද 
දිව්රා මුත් - ඉඳුරා නොවන 
ලෙසින්...... Cannot believe
I won't believe 
You didn't write anything 
Just for me..................... 


එකම වදනකුදුත් 

නොලියෙන 
නුඹේ සිතුවිළි 
පන්හිඳට 
පැන් පුරණ 
අරුම සුවඳ 
වෙමිය මම... 

සුසුමින් ම හැඩ වැටුන 
නුඹ නොලී 
නුඹ නොකී 
Minnie Ashley (1878-1946) 
හදෙහිම රැඳුනු 
දුක හිතෙන 
දුක නිවන 
පස්ගෝ රස පිරුන  
ඒ මිහිරැති 
කවිය 
වෙමිය 
මං 
එරන්දී....................

අප්‍රතිහත ධෛරයෙන් යුතුව සාර්ථකව ජීවීතයට මුහුණ දුන් ඇය පිළිබඳව මෙම ලියවිල්ලට හේතූ වන්නේ සිතුවමක් තරම් සුන්දර ඇය ආසන්න වශයෙන් සෙසිල් බි. ඩිමිල්ලේ නම් නිර්මාණකරුවාගේ සියළුම චිත්‍රපට වල රඟපා ඇතැයි වාර්තාවන බැවින් ඒ ඇය කෙරෙහි යම් ප්‍රේමනීය සිතුවිල්ලක් ඔහු තුල අප්‍රකාෂිතව සිතේ තිබු නිසාදැයි යන කාව්‍යමය කුකුස මත පදනම්ව මිස එය එසේ උවද නොවුව ද අතිශය පෞද්ගලික කාරණාවක් බවත් ජිවතුන් අතර නැතත් ඔවුන් කෙරෙහි අගෞරවයක් කිරීමේ අරමුණක් නොවන බවත් සටහන් කරණු කැමැත්තෙමී.
මිනී ඇෂ්ලි, යනු 19 වන සියවස අග බාගයේ දිනෙන් දින සාර්ථකත්වය කරා ගිය සුරූපී ගායිකාවක් සේම නර්තන ශිල්පිණියක් ලෙස ද දක්ෂතා දැක්වූ ශිල්පිනියකි. ස්වභාවයෙන් ඇය ඉතා රූමත් සේම සිය වෘර්තිය ජීවිතයේදී තියුණු ඉවකින් සිය සාර්තකත්වයෙහි හිණිපෙත්තටම ගිය දක්ෂයෙකි. කරුණාවන්ත, උද්‍යෝගීමත් වගේම කාර්යශූර ශිල්පිණියකි. සිනමාවේ (Stardom) ප්‍රතිභාව පුර්ණ ශිල්පිනියක වූ ඇය රූපගත කිරීම් වලදී නිරන්තරයෙන් අධෝරක්ත කිරණ වලට නිරාවරණය වීම නිසා ඇයගේ ආකර්ෂණියවූ නෙත් සඟලේ හී පටල ක්ෂයවිමෙන් ඇය පීඩා වින්දාය. 
1902 දී ඉතා ධනවත් දේශපාලනඥයකු වූ විලියම් ඇස්ටර් චැනලර් හා විවාහයත් සමඟම සිය රඟපෑම නවතා දමා සිය ඇස් පරික්ෂා කරගැනීම සඳහා දෘෂ්ටි විශේෂඥයින් සොයා යෑමට තීරණය කාලය. නමුත් ඇයගේ පෙනීම පහත වැටීම නිසා බියට පත් ව ඔවුන් මිනී ව ස්පර්ශයෙන් කරන්නාවූ ප්‍රති නිර්මාණකරණයට යොමු කරන ලදී. පසුව වසර 1909 දී විලියම් පැරිසියේ පදිංචියට යාමට තීරණය කිරීමෙන් අනතුරුව මිනී විලියම්ගේ පුතුන් දෙදෙනා රැකබලා ගනිමින් ඇමරිකාවේ ජිවත් වීමට කැමැත්ත පලකළ නිසා දෙදෙනා සුහදව වෙන්ව ජීවත්වීමට තීරණය කරන ලදී . 
වේදිකාවෙන් සමුගෙන දශකයකට පසු මෙම අග්‍රගන්‍ය ශිල්පිණිය , එනම් වසර 1911 දී නැවතත් සිය හස්ත භාවිතයෙන් රංග ප්‍රති නිර්මාණකරණයට පිවිසියේ " A Country Girl" නම් නිර්මාණයෙනි. එයින් මතු හස්තමුද්‍රා රංග කලාව සිය ජන්මයෙන් ගෙන ආ තරම් බුහුටිව හැසිරවූ ඇය  බියට්‍රිස් ඇශ්ලි චැනලර් නමින් එතැන් පටන් පෙනී සිටියාය. 
පසුකාලින ජිවිතයේ පරාර්ථකාමී තැනැත්තියක ලෙස ඉතා සාර්ථකව එම කාර්යයයේ නියළුනාය.බොහොමයක් ලේඛන වල ඇයගේ උපන් වර්ෂය 1886 ලෙස සඳහන් ව ඇති මුත් නියම වර්ෂය 1878-1946  ලෙස  මා පරිශීලනය කළ මුලාශ්‍ර වලින් සොයාගත හැකි විය. 

ඇය ලබා ඇති ජයග්‍රහණ සහ ප්‍රකට කළාවූ දිරිය සම්පන්න බව ඇගයීම සඳහා මේසේ ලියා තබමී   
මං 
එරන්දී....................

15 comments:

  1. ලස්සනයි එරන්දී. ඒත් මේ රුවැත්තිය ගැනනම් මගේ දැණුමක් නෑ. කවුදැ මේ. කිවිඳියක්වත්ද ?

    ජයවේවා!!!

    ReplyDelete
    Replies
    1. සමාවෙන්න දුමී ලිපිය සංස්කරණය වෙමිනුයි තිබුනේ. විවේක වෙලාවක කියවන්න අය 1878-1946 කාලය දුල ඇමරිකාවේ විසු දක්ෂ සුරූපී උත්සාහවන්ත ගායිකාවක් වගේම නර්තන ශිල්පිණියක්.
      ස්තුතී දුමී

      Delete
    2. පැහැදිලි කිරීමට ස්තූතියි එරන්දී.

      Delete
  2. වියැලුන මා
    කවි සිත
    තෙමනු බැරිය
    සොඳුරියෙ
    ඔබැ
    ආදරණීය
    මුරුගසං වරුසාවට....
    එයනම්
    මේ කවිසිත
    කල නොවැරැද්දක් බැව්
    කෙසේ පසක් කරමුද
    අප....!!!

    ReplyDelete
    Replies
    1. තෙත සරු පස් අහුරක
      හද බිමෙහි
      ආදරය දළු ලාද
      නොපළ මුත්
      හිත ගතු කියයි....

      හරිම ලස්සන කවියක් Chef-Archi බොහොම ස්තුතී

      Delete
  3. කවුද බොලේ ඒ? මං මිනීද? මං ඈෂ්ලි ද?

    ReplyDelete
  4. එරන්දි අක්කා පොඩි කාලෙ ගත්ත එකක්

    ReplyDelete
    Replies
    1. :):) Aweeee ඇත්තමයි මල්ලි මටත් කොහොම හරි එතුමිය ගැන ලියන්න හිතුනේ ඒ රූපය නිසාමයි..

      Delete
  5. අඩෙ අප්පා මෙයාට නොලියන කවි කාට ලියන්නද ... කවුද මේ රුවැත්තී හොයලා බලන්න ඕනේ

    ReplyDelete
    Replies
    1. එකනේ ශෂී.... හොයන්නම වටින කෙනෙක්

      Delete
  6. කවිය වගේම ලියත් සුන්දරයි. සිත් ගනියි.

    ReplyDelete
    Replies
    1. ස්තුතී කුරහන් :)
      ඒ සුන්දර බව නිසාමයි ඇය ගැන සොයන්නත් ලියන්නත් මඟ පෑදුනේ

      Delete
  7. ජීවිතය විදවන්නට නොව විදින්නට වගේම , සිතුවිළි සියල්ලට පාර කියන බව අදහන්නියක්

    මේකට තමයි මන් කැමතිම ,නියම ටයිටල් එක

    ජය වේවා ..!!!!

    ReplyDelete
    Replies
    1. ස්තුතී චාමිකර :)
      ඒ තමයි මගේ හැබෑම title එක :)

      Delete