හඬන්නට නොදන්නා මට 

ඇඟිල්ලෙන් ඇන

කඳුළු දුන් ඔබ 

හඬන විට 

රිඳුම් දුන් හිස හොවන්නට 

පුළුල් උරහිස නොදුන් ඔබ-මට  

අඳුරු අහසේ 

දකින්නට තරු අරුන්දතිය මට

හෙළිපෙහෙළි කළ පිණෙන් තිමිරය

වගුරුවා ලු කඳුළු වලින් පිස  

ඔබට නිති පසසමි හදවතින් 

මම

එරන්දී....... 

කවි සිතුවිල්ල....

Minnie Ashley (1897)

එකම එක කවක් වත්     නුඹ නොලීබව මා නමින් 

නො' අදහමී

නුඹ නොකීවද 

දිව්රා මුත් - ඉඳුරා නොවන 

ලෙසින්...... Cannot believe

I won't believe 

You didn't write anything 

Just for me..................... 

එකම වදනකුදුත් 

නොලියෙන 

නුඹේ සිතුවිළි 

පන්හිඳට 

පැන් පුරණ 

අරුම සුවඳ 

වෙමිය මම... 

සුසුමින් ම හැඩ වැටුන 

නුඹ නොලී 

නුඹ නොකී 

Minnie Ashley (1878-1946) 

හදෙහිම රැඳුනු 

දුක හිතෙන 

දුක නිවන 

පස්ගෝ රස පිරුන  

ඒ මිහිරැති 

කවිය 

වෙමිය 

මං 

එරන්දී....................

අප්‍රතිහත ධෛරයෙන් යුතුව සාර්ථකව ජීවීතයට මුහුණ දුන් ඇය පිළිබඳව මෙම ලියවිල්ලට හේතූ වන්නේ සිතුවමක් තරම් සුන්දර ඇය ආසන්න වශයෙන් සෙසිල් බි. ඩිමිල්ලේ නම් නිර්මාණකරුවාගේ සියළුම චිත්‍රපට වල රඟපා ඇතැයි වාර්තාවන බැවින් ඒ ඇය කෙරෙහි යම් ප්‍රේමනීය සිතුවිල්ලක් ඔහු තුල අප්‍රකාෂිතව සිතේ තිබු නිසාදැයි යන කාව්‍යමය කුකුස මත පදනම්ව මිස එය එසේ උවද නොවුව ද අතිශය පෞද්ගලික කාරණාවක් බවත් ජිවතුන් අතර නැතත් ඔවුන් කෙරෙහි අගෞරවයක් කිරීමේ අරමුණක් නොවන බවත් සටහන් කරණු කැමැත්තෙමී.

මිනී ඇෂ්ලි, යනු 19 වන සියවස අග බාගයේ දිනෙන් දින සාර්ථකත්වය කරා ගිය සුරූපී ගායිකාවක් සේම නර්තන ශිල්පිණියක් ලෙස ද දක්ෂතා දැක්වූ ශිල්පිනියකි. ස්වභාවයෙන් ඇය ඉතා රූමත් සේම සිය වෘර්තිය ජීවිතයේදී තියුණු ඉවකින් සිය සාර්තකත්වයෙහි හිණිපෙත්තටම ගිය දක්ෂයෙකි. කරුණාවන්ත, උද්‍යෝගීමත් වගේම කාර්යශූර ශිල්පිණියකි. සිනමාවේ (Stardom) ප්‍රතිභාව පුර්ණ ශිල්පිනියක වූ ඇය රූපගත කිරීම් වලදී නිරන්තරයෙන් අධෝරක්ත කිරණ වලට නිරාවරණය වීම නිසා ඇයගේ ආකර්ෂණියවූ නෙත් සඟලේ හී පටල ක්ෂයවිමෙන් ඇය පීඩා වින්දාය. 

1902 දී ඉතා ධනවත් දේශපාලනඥයකු වූ විලියම් ඇස්ටර් චැනලර් හා විවාහයත් සමඟම සිය රඟපෑම නවතා දමා සිය ඇස් පරික්ෂා කරගැනීම සඳහා දෘෂ්ටි විශේෂඥයින් සොයා යෑමට තීරණය කාලය. නමුත් ඇයගේ පෙනීම පහත වැටීම නිසා බියට පත් ව ඔවුන් මිනී ව ස්පර්ශයෙන් කරන්නාවූ ප්‍රති නිර්මාණකරණයට යොමු කරන ලදී. පසුව වසර 1909 දී විලියම් පැරිසියේ පදිංචියට යාමට තීරණය කිරීමෙන් අනතුරුව මිනී විලියම්ගේ පුතුන් දෙදෙනා රැකබලා ගනිමින් ඇමරිකාවේ ජිවත් වීමට කැමැත්ත පලකළ නිසා දෙදෙනා සුහදව වෙන්ව ජීවත්වීමට තීරණය කරන ලදී . 

වේදිකාවෙන් සමුගෙන දශකයකට පසු මෙම අග්‍රගන්‍ය ශිල්පිණිය , එනම් වසර 1911 දී නැවතත් සිය හස්ත භාවිතයෙන් රංග ප්‍රති නිර්මාණකරණයට පිවිසියේ " A Country Girl" නම් නිර්මාණයෙනි. එයින් මතු හස්තමුද්‍රා රංග කලාව සිය ජන්මයෙන් ගෙන ආ තරම් බුහුටිව හැසිරවූ ඇය  බියට්‍රිස් ඇශ්ලි චැනලර් නමින් එතැන් පටන් පෙනී සිටියාය. 

පසුකාලින ජිවිතයේ පරාර්ථකාමී තැනැත්තියක ලෙස ඉතා සාර්ථකව එම කාර්යයයේ නියළුනාය.බොහොමයක් ලේඛන වල ඇයගේ උපන් වර්ෂය 1886 ලෙස සඳහන් ව ඇති මුත් නියම වර්ෂය 1878-1946  ලෙස  මා පරිශීලනය කළ මුලාශ්‍ර වලින් සොයාගත හැකි විය. 

ඇය ලබා ඇති ජයග්‍රහණ සහ ප්‍රකට කළාවූ දිරිය සම්පන්න බව ඇගයීම සඳහා මේසේ ලියා තබමී   

මං 

එරන්දී....................

Interpretation Definition In Poetry ... "අන්තර් නිවේශනයේ" පද්‍යුය අර්ථදැක්වීම

අන්තර් නිවේශනය (Interpretation) ; ඔබට මට පොදු නොවන , ඔබ - ඔබට ද මා - මට ද සිත - සිතුවිළි කෙරෙහිම නැවුණු තැනක ඉපදී විටෙක ඉරටු මිටියක් රේඛියව බැඳී; ලේ පාට බොරළු පහුරු ගා උගුල් වා සූරා දැමීමේ සිට සිනිඳු බෝ මාළුවෙක සියුම්ව මැවෙන රටාවක් දක්වා ද ලිප් ගල් තුනක සිරවූ මැටි ඇතිලියක සිට Italian burner එකක Ceramic බඳුනක ඉදෙන මසවුළ දක්වා ද පොරවකින් පැලෙන ලී කොටයේ සිට සැත්කම් පිහියෙන් කැපෙන මිනිස් සිරුර දක්වා ද ඉන් එපිට රස්තා රෙගේ සිංදුවකින් ද පන්සලක පල්ලියක කෝවිලක දෙවොලක නැගෙන සඤ්ඤායනය තෙක් වන පරාසය තුල ද ඉන් එපිට කී-නොකී පරාසයෙහි ද ප්‍රකාශිතයයි.
                                                විටෙක ගීතයකට සුරුවම් බෑමෙන් ද අත්තල ගැසීමෙන් ද අඩි පෑගීමෙන් ද සිය මනෝභාවය එළිදක්වන්නා වූ චිත්තය, විචිත්‍රවත් ව චිත්‍රයක් ලෙසින් ද අකුරු වල පැටලී කවියක් ලෙසින් ද කවියක් තනුවක වේලි සංගීතවත්ව ගීතයක් ලෙසින් කම්පිතව විශ්වයට මියුරු  කම්පනයක් ලෙසින් මුදාහරවයි, සිත ඇත්තේ කොතනදැයි නොදන්නා මුත් සිතුවිළි වල හටගැනීම ද අවසානය ද අතර සියල්ල ප්‍රේහේලිකාවක් මුත් භාවය යනු ශක්තී ප්‍රජනකයකි, එකී ශක්තියෙහි ප්‍රකාශන ස්වරුපය  "අන්තර් නිවේශනය" හෙවත් Interpretation නම් වේ...  
                                        සහෘදය එනිසාම කියමි ; ලේඛකයින් , කවියන් , විචාරකයන් හෝ එකී මෙකී කිසිදු සුදුසුකමක් ඔබ හා මා සපුරා නැතත්

        " සිතුවිළි         මරා           වළලා          තැනෙන         ලාවා           දිනෙක         පුපුරා         යා-නොයාද         හදවතක         ලේ         කුහර         පුපුරා"

Killing & burring your  thoughts make your Interpretations unborn & grow as lava will lead cardio vascular explosion in you 

ඉතිං ලියමු රහක් නැතත්, ලියන
මේ
මං එරන්දී වගේ.......

එසේ මුත් මේසේ ද විය හැක....

කවියක සිරව 

සියදිවි නසාගත් 

ප්‍රේමයක්; 

මිහිදන් කරනු බැරි තැන 

පා කළ බැවින් සුසුමෙක

කැළඹී ඇවිලී සුළි කුණාටුවෙක  

බෙංගාල බොක්කේදී 

පසුව 
ටර්නැඩොවක් වූ බව

අසන්නට ලැබුණි 

සුනුවිසුනු රොඩු බොරඩු 

මැදින් මතුවූ 

හීතලට මිඳුණු 

අසරණ 
ගල් ගැසුනු

බිළිඳු සිනාවෙකින්.........

අකුරු වල එති ගෙතෙන වචන රටාවෙක මා දකින්නේ ගෝලයක්  මුත් ඔබට එහි සඳ දැකිය හැක..... හෙළ බස හෙවත් හෙළයේ බසෙහි අපුර්වත්වය එයයි......මෙම නිර්මාණයේ සමස්ත අර්ථයම අවසන් වචන පෙළ වන "අසරණ බිළිඳු සිනාවෙක " යන කොටස නිසා විවිධාකාර අදහස් ගම්‍ය කරවයි. බසෙහි මිහිර විඳින්නට ඔබ මෙහි යායුතුමය... අක්ෂර නිවැරදි බව තහවුරු කරන්නට සුබස

වෙත යාම නුවණට හුරුය.  

මේ වසන්තයට ලියන

මං එරන්දී 

නරසීහ ගාථා Naraseeha Gatha

යශෝදරාව සහ පුත් රාහුල 

චක්ක වරං කිත රත්නසුපාදෝ

Cakka varankita ratta supādo 

ලක්ඛණ මණ්ඩිත ආයතපණ්හි

Lakkanu mandita āyata panhī

චාමර ඡත්ත විභූසිත පාදෝ

Camara chatta vibhūsita pādo

ඒස හි තුය්හ පිතා නරසීහො

Esa hi tuyha pitā narāsīho

   නැකත් ලකුණු වලින් හැඩවූ රත් පැහැ දෙපතුල් ද සක් ලකුණින් යුතු විලුඹ හා  දිගු වළලුකර ද ඉතා අලංකාර විචිත්‍රවත්
මොනර පිහාටු වැනිය . එසේය පුත, ඒ වඩින්නේ  ඔබගේ  පියාය 

සක්‍ය කුමාරවරෝ සුකුමාලො

Sakya kumāravāro sukhumālo 

ලක්ඛණවිත්ථත පුණ්‍ණසරීරො

Lakkhana vitthata punna sariro

ලොකහිතාය ගතො නරවීරො

Loka hitāya gato narāvīro 

එස හි තුය්හ පිතා නරසීහො

Esa hi tuyha pitā narāsīho

"ශාක්‍ය" නම් උතුම් රාජකීය කුලයේ උපන් සියුමැළි වංශවත් කුමරු, සොඳුරු ලකුණින් පිරිපුන් සිරුරක් ඇත්තාවූ  සියළු සැප සම්පත් ද (ලෞකික සැප පහසුව) සමස්ත ලෝකයේ අභිවෘද්ධිය සඳහා අත්හල, පුත.! බලන්න ඒ වඩින්නේ  ඔබගේ
පියාය

පුණ්ණ සසංක නිහෝ මුඛවණ්ණො

Punna sasanka nibho mukha vanno

දේවනරානපියෝ නරනාගො

Deva narana pīyo naranago

මත්ත ගජින්ද විලාසිත ගාමී

Matta gajinda vilāsita gāmi 

එස හි තුය්හ පිතා නරසීහො

Esa hi tuyha pitā narāsīho

අඳුරු අහස මත දිදුලන පුන් සඳ මෙන්, සියලු දෙව් මිනිසුන් අතර බබළමින්  , පුත බලන්න, රාජකීය හස්තියෙකු ගේ ගමන් විලාශයෙන් වඩින්නේ ඔබේ පියාණන්ය

ඛත්තිය සමිභව අග්ගකුලීනො

Khattiya sambhava aggā kulīno 

දේවමනුස්ස නමස්සති පාදො

Deva manussa namassita pādo 

සීල සමාධි පතිටිඨිත චිත්තො

Sila Samadhi patithita cītto 

එස හි තුය්හ පිතා නරසීහො

Esa hi tuyha pitā narāsīho

රාජකීය වන්ශිකව උපන් ඔහු තවද සියලු දෙව් මිනිසුන්ගෙන් වැඳුම් පිදුම් ලබන්නේය. පියවරෙන් පියවර ශාන්තව මානසික එකාග්‍රතාවයෙන් වඩින ඔබේ පියතුමන් ගේ විලාශය පුදුමයකි..

ආයත තුඞ සුසන්ඨිත​ නාසො 

Ayata tunga susanthita nāso 

ගෝපමුඛො අභිනීල සුනෙත්තො 

Gopamukho abhinīla sunetto 

ඉන්දධනූ අභිනීල භමුඛො 

Indadhanū abhinila bhamukho 

ඒස හි තුය්හ පිතා නරාසීහො

Esa hi tuyha pitā narāsīho

නීල වර්ණ ඇස් ද සෘජු නාසය ද දේදුණු හැඩ ඇති ඇහි බැමද සහිත ඔහු, පියාය මාගේ පුතුගේ.

වට්ට සුමට්ට සුසන්ඨිත​  ගීවො

Vatta sumatta susanthita gīvo

සීහහනු මිගරාජ සරීරො 

Sihahanu migarāja sarīro 

කඤ්චන සුච්ඡවි උත්තම වණ්ණෝ

Kancana succhāvi uttama vanno 

ඒස හි තුය්හ පිතා නරසීහො

Esa hi tuyha pitā narāsīho

ඔහු ගේ පෞර්ෂය සම කළ හැක්කේ රාජකීය සිංහයෙකුට නමුත් ඔහුගේ අවිහිංසක කම සමකල හැක්කේ මුවෙ රජ කුටය.ඔහුගේ සිරුර උද්දිප්තව බබළන්නේය(සවනක් රැසින්).ඒ වඩින්නේ ඔබගේ පියාණන්ය

ස්නිද්ධ සුගමිභීර මඤුසු ඝොසො 

Suniddha sugambhira manjusu ghoso

හිංගුල බන්ධු සුරත්ත සූජිව්හො 

Hingula bandhu suratta sūjivho 

වීසති වීසති සේත සුදන්තො

Visati vīsati seta sudanto 

එස හි තුය්හ පිතා නරාසීහො

Esa hi tuyha pitā narāsīho

සෞමය ඔහුගේ හඬ,අනුනාද වන්නේය. හිඟුලරත්පහැති දිව ද එක හනුවක විස්ස බැගින් මනහරව පෙළගැසී ඇති දත් ද  මුඛයේ පිහිටි, පුත ඒ ඔබගේ පියාණන්ය.

අඤ්ජන​ වන්න සුනීල සුකෙසො

Anjana vanna sunīla sukeso 

කඤ්චන  පට්ට විසුද්ධ ලලාටො

Kancana pātta visuddha lalāto 

ඕසධි පන්ඩර සුද්ධසු උන්නො 

Osadhi pandara suddhsu unno 

එස හි තුය්හ පිතා නරාසීහො

Esa hi tuyha pitā narāsīho

කාලවර්ණ හිසකේ නීල වර්ණයෙන් බබළන්නේය. නළල් තලයෙන් අලංකාර වූ රැස් විහිදෙන අතර ඒ මත වැටුණු (මංගල ලකුණක් වන)  ඌර්න රෝමධාතු වකි. මුළු සිරුරින්ම රැස් විහිදුවන ඔහු , පුත ඔබගේ පියාණන්ය.

ගච්ඡති නීලපථෙ වීය චන්දො

Gacchati nilapathe vīya cando 

තාරගණා  පරිවේඨිත​ රූපො 

Taragana parivethita rūpo 

සාවක මජ්ඣගතො සමනින්දෝ 

Sāvaka majjhagato sāmanīndo 

ඒස හි තුය්හ පිතා නරසීහො 

Esa hi tuyha pitā narāsīho

තරු පිරිවැරු පුර්ණ චන්ද්‍රයා සේ , තම ශ්‍රාවකයින් මද්‍යයේ වඩිනා පියාණන් දකින්නට පුත මෙහි එන්න.

බුදුරජාණන්වහන්සේ , ගිහිකළ නෑසියන් දකිනු පිණිස වැඩි මොහොතේදී යශෝදරාවන් විසින් තම පුතු රාහුලට ඔහුගේ පියා පෙන්වමින් කළ ප්‍රකාශය "නරසීහ ගාථා " නම් වේ..

මෙම සටහන ලියන්නට හේතූ වුයේ රසිකොලොජියේ පෝස්ටුව වන අතර මෙහි ඉංග්‍රීසි සටහන ලබාගත්තේ  Theravada Damma  වියණුවෙනි. සිංහල පරිවර්තනය සඳහා පාදක කරගත්තේ the Tek Croach වියුණුවේ

Yashodhara's crying heart (Narasimha gatha) 

ලිපියේ පාළි - ඉංග්‍රීසි පරිවර්තනයයි.
යශෝදරාවත මෙතනින්.

මේ ලිපිය සම්පාදනයට හේතුවක් සැපයු අයට ද අවශ්‍ය මුලාශ්‍ර නිර්ලෝභීව සයිබර් අවකාශයට එක්කොට තැබූ සියළු දෙනාට ගෞරවය මේසේ සටහන් කරන
මං
එරන්දී

මෙය   ආත්මතෘප්තිය සඳහාම මා විසින් කරන ලද කාර්‍යයක් වන අතර යම් අඩුපාඩුවක් වේ නම් නිවැරදි කරන මෙන් කාරුණිකව ඉල්ලමි



රසික ඔබේ පොස්ට් එක නිසාම කම්මැළි මටත් නිමිත්තක් ලැබුනා. බොහොම ස්තූති...

නෙළුම්යායේ පෑන සහ මං සෙට් එක එක්ක විස්තරේ

කොළොඹ ගමයාගේ

ගමේ

කළණමිත්‍ර ගේ කිරිපාට

දත් සැට් එක 

නේවී රැව්ල 

එක්ක 

Event coordinating 

නෙළුම්යායෙන්  

"දියකෝල්"

යන්ට මඟ පෑදුනු

"මං සෙට්" එක එක්ක

ටෙක් සයුර උන්නට

ටෙක්නොලොජි පලක් නැත 

ගිනියම් කොළොම් පුරට

නොවට

"පොකුරු වැස්සක"

අඩුව දැනුනා හරියට...

විසිරි සිහිනයක 

මං අතරමං වෙද්දී 

නයියා දැක පියවි සිහියට

ආ අතරේ 

සජ්ජා සිය පඩංගු වේ 

සම්මානය ඔබා ගනු 

සත්තයි 

ඉතිං මා අතටම හසුවිය...

මං එයාලගේ බබා එක්ක 

ඉයන් ද ඉක්ලියාස් කෑවේය 

ඉවාන් හිටියාට 

බැලලයිකාව නොතිබුණි 

ප්‍රාජේ කිව්වේම 

මගේ කවි 

නොතේරේ කියාමය 

හැමෝගෙම සහෘදයා 

දුටු තැන 

"එයා",

 "මං එයාගේ හස්බන්ඩ්" 

විය...

නංගි මං "එල" කී කළ 

ආ මෙන්ඩයියේ කී නිසා 

කතාව එතනින් ලිස්සීය 

රස්තියාදුවේ නොයා 

රෝමා රස් එක්ක 

දුමී ඇවිදින් 

ඉතිං දුමී

මගෙන් 

ගුටි කෑවේය...

දන්නවා ද දන්නැ 

මං, තිලක සිත හිනැහුනේය

සහන් කසිර ජස්ට් මිස් ද කෙස් ගස්ය 

තරුරසී ට 

තවම "කොම්බුව" හම්බවී නැත  

අනිත් කොන දකින කොට 

අනේ මං හොඳටෝම පාමාවීලාය 

ඉතිං පොත් තිබුනේ ද එක දෙකය 

තිලක අයියා ද අක්කා ද

පොතක් දුන්නේ තෑගි 

අත්සනුත් කරලාය 

ඒ අව් අස්සේ 

මහානර්ඝ 

පෑන් රාජයා වැටිලාය 

බිම දිගේ බඩ ගගා 

මං එයාගේ හස්බන්ඩ් 

මං එයාලගේ බබා එක්ක 

මෙන්ඩා ද 

ඉතිං 

පෑනක් හොයනකොට 

හොටු පෙරපෙරා 

ඇඬුව විතරයි 

නම නොදත් 

දෙවියෙක් 

ප්‍රාදුර්භුතව 

Clue එකක් දුන්නේය 

ඉතිං ඒ පෑන් රාජයා හමුවිය 

කමීයාට යමී 

කී විට 

නෙළුම්යායට නො ආ 

අටම් පහුරේ අඩුව මතුවිය 

ඉතිං 

අප දිව්‍ය රථයට 

කැලේ මල් පිපුනේය...

මඟ දිගට 

යං හැල්ලක් 

දිග හැර

සුරන් මලයා හා 

ටෙක් සයුරේ ද කිමි ද 

අප නතර වුයේ 

මචං කුරුවිටය....

අතර මඟ හැලුනෝ* * * * * * * * * ද 

බොහෝ වූ  බව පෙනේ...

ඉතිං 

'18 ත් 

නෙළුම් මල් පිපීයන්....

සොඳුරු සඳ 

කටුසු ද රවී,අරුණ අයියා ද 

කුරහන් හා හැලප එක්ක කොච්චි ද 

මාතලන්, සැහැල්ලුව   

එකතුව 

චේෆාකිත් හමුවෙයන්....

අම්මත් එන සැරේ 

"නොනිමියෙක්" 

වෙන්නැයි 

මං එයාලගේ බබා ,කීවත් 

අහසෙන් එන්න 

නංගියේ 

ඔබෙන් ලද සම්මාන 

හිතට මගේ හරි බරයි....

ඉතිං ආයෙත් මුණගැහෙන්නට 

මඟ බලන

මෙලෝ රහක් නැති  

මං 

එරන්දී

පුදුමය මේ 51 ය.... :) 

බුද්ධඝෝෂ හිමි

කේසී ට දාව 

කෙසිනිය කුසිණි.... 

එලිය දුට 

ඝෝෂ ගමෙහි දී...

ගිහිකල පිළිසිඹිය 

පරතෙරට 

ත්‍රිවේදයෙහි'නි.... 

නැවෙන් වැඩියා ද

නාගාර්ජුනිකොණ්ඩයේනි... 

ලියන්නට අමතක වීද

වර්ණනා අතර බරසාර  

මහාවංශ , මහානාම හිමියනි....

කිතු ඉපිද 

සියවස් පසක් වූ තැනෙක දී 

හෙළබසින් වන් අටුවා ද 

ධම්මපද අටුවා ද 

පෙරළා පෙරැළිය 

ඒ බස පාළියට මැ යටවිනි....

ලියැ සමන්තපාසාදිකා 

පෙන්නා දැනුම උදුලා  

නොහිතිනි ද අනුකම්පා 

පාළි තව මට බැරුවාය බැරිවිනි 

ධම්මපදය ද එතැනමය  

අත්ථකථාචාරිණි 

ගරුතර 

බුද්ධඝෝෂ හිමියනි........

*උදුලා - බබළන

කේසී(පියා), කෙසනි(මව) නම් දෙමාපියන්ට දාව ඝෝෂ නම් ගමක ඉපදී, ක්‍රිස්තු වර්ෂ පස්වන සියවසේදී ඉන්දියාවේ නාගර්ජුන්කොන්ඩ සිට ලංකාවට වැඩමවූ බව මහාවංශ කතුවර මහානාම හිමියන් විසින් වර්ණනා කර දක්වන, "සමන්තපාසාදිකා" අට්ටකතා ලියා තම දැනුම තහවුරුකර හෙළබසින් වූ අටුවා ද පාළියට පරිවර්ථනය කරනලද බුද්දඝෝෂහිමියන් විසින් ධම්මපදය ට තිබු සිංහල අටුවාවද පාළියට පරිවර්තනය කීරීම නිසා පාළි නොදන්නා මං එරන්දී ට  මෙසේ ලියැවිණි. එ'හිමියන් ගැන තව ද මේසේ සඳහන්ය

කන්ද - කෙන්ද

Snow white stepmother -Image by Google

ඉතිං ගයාපන් බර බර තානම නුඹ කෙවිළියේ....

මිහිරි ඉමිහිරිය එ'ගැයුම් ගිරි යටිගිරියේ...

ඉතිං රඟාපන් උඩ පැන පැන කරළියේ...

නුඹ මොනරෙකි පිල් විහිදපු පේඬියේ....

ඉතිං තප්පුළං රඟාන සැඬ මවාන මේඝයේ...

උඩු හුළගට ගසාන යන නුඹ පරඬල් පේළියේ...

නිවී දිළෙන නුඹ හිතුවට කණාමැදිරි පැන්චියේ...

නුඹද සඳෙකි රැහෙන් දිළෙන හිරුට හොරෙන් කරළියේ....

රඟන කලට කෙළි මඩල කී කකාර  දිය සැළියේ...

කෙලින් නොයා කෙලින් යන්ට පාර කියන කකුළුයේ.....

ගිජු ලෑ වට මහන්තත්ත කපුටු පැලේ ක කෙවිළියේ... 

ඉගිලෙනකොට සුද පෙනෙළු කන කොකාගේ මෝඩියේ....

එහෙව් මෝඩකම් නොකරමී 

හිතන 

මං 

එරන්දී...

පසු සටහන - මෙය විශාරද මාලනී බුලත්සිංහල මහත්මිය විසින් ගායනා කළ , ප්‍රේමකීර්ති ශුරින් විසින් රචිත  "කන්ද කෙන්ද කරණු පිණිස" ගීතයේ අරුත ජනවහරේ අපට අසා හුරුපුරුදු කියමන් ආශ්‍රයෙන් කෙරුණු නිර්මාණයකි.

ආසියාතික ගැහැණු හිතක උපන් කුකුස....

ලියකම් වැලක 

හිරවුණු 

හඳට ඇස් ගසා 

රැයේ අඳුරට දිළුනු 

චන්ද්‍රකාන්ති නූණු... 

වැලි කැටයක් 

නුඹ 

මොනාලීසා 

නමට ඩාවින්සිගේ 

කලාකිරිඤ්ඤයක්  වුණු 

බවතුන්ගේ මනකල් 

අංගම් සටනකදී 

කළ විකල් 

නුඹ 

මොනාලීසා 

පොප්ලර් රෙද්දක 

තෙල් සායම් පැල්ලම් 

අස්සේ 

අවුරුදු හතරක්ම 

ඇත්තටම 

හිටියේ 

නුඹම ද

ලා ජියෝකොන්ඩා 

නුඹේ හැඟුම් 

ගුප්ත ද 

ගෑණු කොහොමත් 

ගුප්ත ද 

හැබෑටම අපිටත් පිස්සු ද 

"ලීසා ජෙරඩිනි"

නුඹත් කතා කරපන් 

ඇයි මොනාලීසා විතරක් 

නුඹ ලඟින්ම 

"මුසේ ඩි ලුවර්" හී......? 

ඇත්තටම කතා කරන්න බැරි ද......

හිතන 

මං එරන්දී

පසු සටහන  - ලා ජියෝකොන්ඩා යනු 16 වන සියවසේ දී ලියනාඩෝ ඩාවින්සි විසින් ආසන්න වශයෙන් වසර හතරක පමණ කාලක් තිස්සේ "පොප්ලර්" රෙද්දක් මත තෙල් සායමෙන් සිතුවම් කරන ලද ලොව "වැඩිම නරඹන්නන් පිරිසක් ආකාර්ශනය කළ, ලොව වැඩි වශයෙන්න් මතවාදයට ලක්වූ , ලොව විවිද බසින් ගීත ලියැවුණු , ලොව වැඩිම හාස්‍යට ලක්වූ , ජීවමාන වූ චරිතයක ප්‍රති-ජීවමානව සිතුවම් කළ  උඩුකය ආලේක්‍ය සිතුවම" ලෙසින් විරුදාවලි ලත් මොනාලීසා මෙහි කතානායිකාවයි. 1797 වසරේ සිට පැරිසියේ මුසේ ඩි ලුවර් කෞතුකාගාරයේ , ප්‍රදර්ශනයට තබා ඇති මෙම සිතුවම,  ෆ්‍රැන්සෙස්කෝ ඩෙල් ජියොකොන්ඩොගේ  ගේ බිරිද වන ලීසා ජෙරඩිනී ගේ සිතුවම ලෙස සැලකෙන අතර මේ දෙදෙනෙකු ලෙස ද තවත් තැනෙක එකම කෙනෙකු ලෙස ද මත පවතී. කෙසේ වෙතත් මුසේ ඩි ලුවර් හී ලියනාඩෝ ඩාවින්සිගේ ම සිතුවමක් වන  Saint Mary with the Child Jesus Christ is sitting on the lap of Saint Anne අසලින්ම මොනාලිසා ද තැන්පත්කර තිබිණ. 
සැ.යු . තොරතුරු පරිවර්තනය කර ගත්තේ මෙතනින්, මිට අමතරව උසස් පෙළ චිත්‍ර විෂය ඉගැන්වූ ,  නිතරම මගේ මනසට අළුතින් හිතන්නට නිදහසදුන් දයාබර මොරින් විජේසිංහ ගුරුමවටත් ස්තුතීවන්ත වියයුතුය යන්න මගේ හැඟීමයි.  

කට්ලට් with delicious creativity හෙවත් lower middle class

පෙරන්  ගා නෑඹිළියේ 

සෝදලා අඩි වළඳේ  අඩියේ 

තම්බලා බත් හැළියේ 

ඉදෙයි ඉන්නල එකට කිටි කිටියේ..

ඉතිං ඉන්නල ද  මොළොක් විය 

බල මාළු හා සමව පොඩි විය 

අතේ නො ඇලී එක එක බෝල විය 

පාන් පිටි වතුරේ ද නැහැවිය 

අපට කොයින් දෑ වටකුරු බිත්තර 

චීස් එක්ක රස කොච්චි විතර 

බ්‍රෙඩ් ක්‍රම්බ්ස් එක්ක කර කර 

බඳින්නට බොර පාට  තෙල් හැර

පරණ පොඩි ජෑම් බෝතලයේය  

තදකර පොඩි පට්ටම් වුයේය   

ලාබ විස්කෝතු කුඩුයේය  

දවටලා statusය හංගනුයේය  

තෙල් හා කැකෑරෙනුයේ 

ගානට පදමට බැඳෙනුයේ

පොඩි පැටව් කුස රස පුරණුයේ 

දුකම දුක පහළ මැද පංතියේ........

කැලෑසියක් නැති 

මං එරන්දී

යුද්දෙට නැති කඩුව අමාරුම නම් " TELL IN සිංහල PLEAS" නොකියා කීමටය......

මේ බස හෙළ බස

සු'බස මවන රස රැස 

දෙසයැ හෙළ, 

දිගත සුපතළ...

රසය රසකිදයැ රස

මුව වික විකා 

වහරනකොටැ... 

ඒ රට රැටියන

"සකස්කඩ"

ELOCUTION යැ 

දුහුණන්ට...

ඒ බස මළ බසයැ 

කී උගතුනේ 

සමනළයා ය සමනලයා වීයැ 

එකල් හී 

හෙළයා හෙලුවෙන් යැ 

තතන තතනා 

රඟන රැඟුමේක 

හෙළ හෙරලියැ 

නොදිර ඉතිරියැ

තවමැ  

විළියෙන් යැ 

කුස අග කෙළවර යැ 

සැඟව....

අහෝ 

අරුමෙකි යැ 

මැද සාලයේ 

ගල් වංගෙඩිය 

පිත්තල සෙම්බුය 

ගම් ගෙවල 

පිළිකන්නේ යැ....

එහෙව් හෙළයින් යැ

"VERY INTERESTING" යැ  

රා මතේ මතින දිවෙනැ  

එ'හිමිසඳු වැඩි මඟට 

පිළිපන් නාලාගිරියායැ  

පිරිත් පැන් වඩනකොට 

අනේ "සාධු"යැ 

තියනකොට හු මිටි යැ 

රජා මරා වහරන බසිනැ.....  :)  

ඒකත් ඔන්න ඔහේ කියලා දැම්ම 

මං 

එරන්දී 

මතයට වාදයක් හෙවත් මතවාදයක්

මතයක් - "ප්‍රේමයට 

නිකැළැල් 

සිතා.."

ඉතිං 

කතා කරපං 

රාවනා,

කුඩා හැඩයා 

මහා හැඩයා 

රිටිගල 

ජීව උයනේ 

ඉපදුවට 

දඬු මොණරේ 

ගිහිං  

සුපර්ණකාගේ 

නහයට 

සීතා ගෙනාවට 

ඔඩ්ඩ්ස තන්ත්‍රය  

කුමාර තන්ත්‍රය 

ලිව්වට

ලංකා දැහැන

සාරංගා 

රාවන හත්තෙන් 

වැයුවට 

සීතා සීතා එළියේ 

එක්කං ගියාට 

කෝ කොහේද 

"මන්දෝදරී"

වාල්මිකී..! 

දැන් ඉතිං 

කාලේ හරි

හංගපු පිටු අතරින් 

මදාර මල් සුවඳ  

 එලියට ගනින්

දසිස් බල රාවන

රිටිගල

නිකං හිතුනට ඇහුවේ 
මං එරන්දී ...

ඔබට සිත ආදරේ කරයි....

ලියා මැකු 

පද දහසෙක 

නුඹ සිටියා 

දොඩමළු වී.... 

කතා කරන 

සිතුවිල්ලෙක

නුඹ සිටියා

මගේ ළඟින්.... 

ඇවිත් යන්න
 ආ දවසක

නුඹ සිටියා 

සෙනෙහෙ සිතින්.... 

යළි නාවත් 

නොහඩන්නට

තියා ගියා 

සුවඳ ළගින්.... 

ඔබට සිත ආදරේ කරයි....

ඒ ආදරේ

   මං

   එරන්දී 

ෆුල් මා....(ර්)....වලස් - 24*7

කෙටි කතාවක 
නව කතාවක                       
ඇත්තෙම 
අසම්මතයක 
හැට-හතර මායමක 
අට-අනුවක් ව්‍යාධීමය...

සින්දුවක 
ටෙලියක 
ඇත්තෙම 
හන්දියක 
පාරක 
හොටු පෙරන සීන්මය.....

පාරක 
තොටක
යන්නෙම 
කඩවසම් බනුවක 
රස කතාවක 
වයරින් වෙලාමය........  
  
කහ ඉරක 
තනි ඉරක 
ඕවර්ටේක් කරන්නෙම 
තත්පරයක 
ඉක්මණක  
අපායට අත වනාමය......

පත්තරයක 
ප්‍රවෘතියක 
ඇත්තේම 
ප්‍රකෘතියක 
විකෘතියක 
දෝලිත ජිවිතමය 

මීවිතක 
රසවිතක 
උතුරන්නෙම 
කන-කරෙක
උගසෙක 
රස දැනෙන තිත්ත කාඩියමය......


ඒ රස දැනෙන 
මං 

එරන්දී මය......